Teknik Laboratori

180 KREDI ECTS
Të diplomuarit e këtij programi mund të punojnë si infermierë komuniteti, infermierë në biomjekësi, infermierë të shëndetit mendor, infermierë hulumtues, infermierë kirurgjikë, infermierë pediatrikë, infermierë të shëndetit primar, apo infermierë të avancuar.

PROGRAMI
Zhvillimi i diagnostikës mjekësore laboratorike është një nga segmentet e mjekësisë moderne. Sot është pothuajse e pamundur të punohet pa një ekip, në të cilin njëra nga hallkat është edhe mjekësia laboratorike, si një pikënisje për zbulimin e sëmundjeve, trajtimin e tyre dhe mjekimin e pacientëve. Diagnostika mjekësore laboratorike, është një fushë shkencore, që lidhet me funksionimin e laboratorëve klinik, me qëllim të diagnostikimit, trajtimit dhe parandalimit të sëmundjeve. Ajo është e bazuar në parimet e biologjisë qelizore dhe molekulare që mundësojnë të kuptuarit e funksioneve normale dhe patologjike të trupit të njeriut. Gjithashtu është një pikënisje për vendosjen e diagnozave nga më të thjeshta, deri tek ato më komplekse.

Pas përfundimit të studimeve, Bachelor-i profesional në diagnostikën mjekësore laboratorike,fiton njohuri dhe shkathtësi për të kryer të gjitha llojet e diagnostikës laboratorike. Bachelor-i profesional në diagnostikën mjekësore laboratorike, është ekspertë i kualifikuar me njohuri të gjera dhe aftësi me një nivel të lartë, jo vetëm për mbledhjen, përpunimin dhe analizimin e mostrave biologjike (lëngje organike dhe inde), por edhe për të kuptuarit e procedurave komplekse laboratorike, mbledhje e të dhënave, zgjidhjen e problemeve, zbatimin e kontrollit të cilësisë, zhvillimin dhe aplikimin e metodave dhe procedurave që lidhen drejtpërdrejt me diagnostikën laboratorike. Stafi i laborantëve punojnë në një ekip me specialist të profesioneve laboratorike, mjek specialist të fushave klinike, infermier dhe profesionist tjerë të shëndetit si pjesë e sistemit me pacientin në qendër.