Që nga shkolla e mesme, unë kam qenë gjithmonë i interesuar të përvetësoj aftësitë për të ofruar shërbime shëndetësore cilësore. Kur mësova për programet që Kolegji Heimerer ofron, e dija menjëherë se doja të bëhesha pjesë e tij. Dhe nuk u zhgënjeva! Në Heimerer gjeta një staf akademik dhe administrativ të jashtëzakonshëm, pajisje të shkëlqyera dhe një mjedis arsimor ku mund të shndërrohesha në një Teknike Laboratori kompetente. Nuk gaboni nëse zgjedhni Kolegjin Heimerer!

Kolegji më ka mundësuar të profilizohem në këtë drejtim me anë të mësimit të ofruar nga ligjërues të njohur të fushës dhe praktikave të mbajtura brenda dhe jashtë kolegjit, gjithmonë me qëllim të përmirësimit dhe formësimit të kujdesit shëndetësor në Kosovë. Përveç studimeve, kam qenë e angazhuar edhe me aktivitete të ndryshme jashtëshkollore për shkak se Kolegji Heimerer ka krijuar një atmosferë dinamike që nxitë studentët të zhvillohen edhe si persona të përgjegjshëm dhe aktiv në komunitetin ku jetojnë.

Kolegji Heimerer dhe reputacioni i tij si një lider në arsimin shëndetësor më ka dhënë një avantazh në tregun e punës. Qasja unike arsimore me fokus në të mësuarit praktik ishte një nga arsyet kryesore pse zgjodha Kolegjin Heimerer. Pozita menaxheriale që kam sot si koordinatore e Spitalit Amerikan është një produkt i punës së pandalshme të stafit të Heimerer për të siguruar internshipe për mua. Përgatitja akademike, së bashku me përvojën praktike, më dhanë aftësitë adekuate menaxheriale që unë mund t’i shfrytëzoj sot si koordinator.

Që në momentin kur u regjistrova në Kolegjin Heimerer unë isha e vetëdijshme që bëra zgjedhjen e duhur. Nuk mund ta imagjinoj jetën time si student pa mbështetjen dhe udhëzimet që kam marrë nga stafi administrativ dhe akademik. Koha e shpenzuar si student në Kolegjin Heimerer më ka bërë të ndihem e sigurt për aftësitë dhe njohuritë e mia. Programi i Ergoterapisë hapë dyer të reja dhe krijon mundësi që më parë as nuk mund t’i imagjinoja. Unë jam e lumtur që kam gjetur një komunitet mbështetës në Kolegjin Heimerer dhe falë këtij komuniteti unë jam shndërruar në një student që gjen kënaqësi në mësim dhe hulumtim.