Rektorja e Kolegjit Heimerer, Prof. Dr. Naime Brajshori, priti në takim Drejtorin e Arsimit në Komunën e Prishtinës, z. Samir Shahini.
October 20, 2025 2025-10-20 12:52Rektorja e Kolegjit Heimerer, Prof. Dr. Naime Brajshori, priti në takim Drejtorin e Arsimit në Komunën e Prishtinës, z. Samir Shahini.
Rektorja e Kolegjit Heimerer, Prof. Dr. Naime Brajshori, priti në takim Drejtorin e Arsimit në Komunën e Prishtinës, z. Samir Shahini.
Gjatë takimit u diskutua për mundësitë e bashkëpunimit ndërmjet Kolegjit Heimerer dhe Drejtorisë së Arsimit të Komunës së Prishtinës, me fokus në forcimin e lidhjes mes arsimit të lartë dhe institucioneve arsimore në terren.
Palët u dakorduan për fillimin e një marrëveshjeje konkrete, e cila do të mundësojë kyçjen e studentëve të vitit të tretë të drejtimeve Logopedi, Ergoterapi dhe Psikologji Klinike në shkollat dhe çerdhet e Prishtinës. Këta studentë do të ofrojnë shërbime zhvillimore dhe terapeutike për fëmijët, ndërsa njëkohësisht do të realizojnë praktikën profesionale nën mbikëqyrjen e ekspertëve shëndetësorë të Kolegjit Heimerer.
Kjo iniciativë ndërtohet mbi përvojën e bashkëpunimit të suksesshëm ndërmjet njësisë së ekosistemit Heimerer – Kosovo Heimerer Kinderhaus/ Shtëpia e Fëmijëve Heimerer në Kosovë dhe Komunës së Prishtinës, ku janë zhvilluar trajnime për edukatorët e çerdheve komunale në fushat e logopedisë dhe ergoterapisë. Projekti “Hapa të Hershëm për Çdo Fëmijë” ka për qëllim fuqizimin e edukatorëve me njohuri profesionale dhe qasje bashkëkohore për punën me fëmijët, veçanërisht ata me nevoja të veçanta zhvillimore
Takimi u zhvillua në një frymë bashkëpunuese, ku të dy palët shprehën gatishmërinë për të zgjeruar bashkëpunimin edhe në fusha të tjera të interesit të përbashkët.
