Bazuar në nenin 70 dhe 71 të Statutit të Kolegjit Heimerer, nenit 3, 4, 10 dhe 11 të Rregullorës për Gradat, Titujt, Zgjedhjen dhe Avancimin e Personelit Akademik, si dhe rregullat e brendshme të institucionit, Kolegji Heimerer shpall këtë:

Konkurs për zgjedhje/rizgjedhje të personelit akademik në programet:

• Një Profesor për Shkenca Shëndetësore Infermierore
• Katër ligjërues për Shkenca Shëndetësore Infermierore
• Katër Asistent për Shkenca Shëndetësore Infermierore
• Një Profesor Asistent për Shkenca Sociale Psikologjike
• Një Asistent për Shkenca Sociale Psikologjike
• Një Profesor Asistent për Shkenca Shëndetësore Terapeutike
• Dy asistent për Shkenca Shëndetësore Terapeutike

Kushtet për aplikim:

Kushtet për aplikim dhe për zgjedhje të stafit akademik janë të parapara me Ligjin e Arsimit të Lartë (Ligji nr, 04/L-037), me Statutin e Kolegjit Heimerer dhe me Rregulloren për zgjedhje dhe avancim të stafit akademik.

Dokumentacioni i nevojshëm:

• Formulari i Aplikimit;
• Biografia në Europass (CV);
• Dokument Identifikues valid i Republikёs sё Kosovës, ose i shtetit të origjinës;
• Kopjet e Diplomave të vërtetuara nga noteri (vendimi për nostrifikim për diplomat e lëshuara nga vendet jashtë Kosovës);
• Kandidatët që aplikojnë për asistent duhet të sjellin edhe certifikatën e notave të studimeve të përfunduara;
• Vendimi për thirrjen akademike paraprake;
• Dëshmitë për publikimet shkencore me linqet e publikimeve;
• Dëshmitë për pjesëmarrje aktive/pasive në konferenca vendore dhe ndërkombëtare;
• Dëshmi për temat e mentoruara të studentëve;
• Dokumente të tjera që përkojnë me kërkesat për thirrjen për të cilën aplikon kandidati.

Dorëzimi i dokumentacionit:

Dokumentet duhet të dorëzohen me kohë, komform afatit të konkursit. Dokumentet e pakompletuara  nuk merren në shqyrtim. Dokumentet duhet të dorëzohen tek Dekanati përkatës i Kolegjit Heimerer.

Për publikimet dhe librat nevojitet vetëm faqja e parë e artikullit ose kopertinës së librit.

Nëse dokumentacioni nuk është i plotë nuk do të dërgohet tek komisioni për vlerësim.

Konkursi mbetet i hapur nga data 15.09.2025 deri më 30.09.2025.