Andreas Reitermayer, (Drejtor Financiar dhe Prokurist) dhe Kevin Kupper, (Udhëheqës i zhvillimit të biznesit) e përfaqësuan Kompaninë gjatë kësaj vizite pikërisht në kohën kur e njëjta po shënon 33 vjetorin e themelimit.

Dy përfaqësuesit e Humanocare gjatë kësaj vizite, u priten nga CEO dhe bashkëthemeluesi i Heimerer, Prof. Dr. Petrit Beqiri, i cili u shoqërua nga këshilltarët e tij, Karsten Klapp dhe Dr. Driton Ukmata. Gjatë takimit, Beqiri ua prezantoi konceptin “Ecosystem & Ecovillage”, ku u shpalos edhe drafti i modelit të biznesit, si dhe u diskutuan hapat e ardhshëm të bashkëpunimit.

Ndërkohë, kompania austriake Humanocare, e themeluar nga Julian M. Hadschieff në vitin 1993, po shënon këtë vit 33-vjetorin e saj, duke konsoliduar pozicionin si një nga operatorët kryesorë në fushën e kujdesit, rehabilitimit dhe rekrutimit të profesionistëve shëndetësorë nga e gjithë bota. Kjo Kompani ka arritur që të shndërrohet nga rezidencat për të moshuar në një lider të integruar të kujdesit shëndetësor. Humanocare e përmbledh misionin e saj me moton: “Vërtet vizionarë në kujdes”, sikurse është vizioni i Heimerer për edukimi në kujdesin shëndetësor përmes përsosmërisë dhe inovacionit në mësimdhënie dhe shërbime.

Me këtë rast, ata kanë vizituar hapësirat e njësive të EcoVillage, si dhe kanë parë nga afër hapësirat e Kolegjit Heimerer, ku kanë takuar studentët të cilët janë pjesë e shtëpisë së madhe të studimeve për një të ardhme të sigurt dhe profesionale.