Në kuadër të Fushatës Nacionale Kundër Trafikimit me Qenie Njerëzore, në ambientet e Kolegjit Heimerer u mbajt paneli diskutues me temë “Trafikimi me Qenie Njerëzore dhe Dhuna në Baza Gjinore”, i organizuar nga Qendra MVPT në bashkëpunim me Kolegjin Heimerer.

Ky aktivitet shënoi vazhdimësinë e bashkëpunimit të suksesshëm ndërmjet dy institucioneve, duke sjellë së bashku profesionistë të fushës, përfaqësues institucionalë dhe studentë të Psikologjisë për të diskutuar mbi sfidat, pasojat dhe mënyrat e parandalimit të këtyre dukurive shqetësuese.

Gjatë panelit u theksua rëndësia e ndërgjegjësimit publik, edukimit të brezit të ri dhe forcimit të bashkëpunimit ndërinstitucional në luftën kundër trafikimit me qenie njerëzore dhe dhunës me bazë gjinore — fenomene që kërkojnë reagim të përbashkët dhe të vazhdueshëm.

Drejtuesit e Kolegjit Heimerer falënderuan përfaqësuesit e Qendrës MVPT për partneritetin e vazhdueshëm dhe të gjithë pjesëmarrësit për kontributin e tyre në këtë ngjarje të rëndësishme për komunitetin akademik dhe shoqërinë në tërësi.