Në kuadër të Javës së Stafit Erasmus+, po mbahet seminari ndërkombëtar “Rishikimi i migrimit qarkor dhe angazhimi i diasporës në kujdesin social”, i cili synon të bashkojë perspektivat akademike dhe të politikëbërjes nga Evropa Juglindore dhe Gjermania.

Fokusi i këtij seminari është hulumtimi i migrimit të kthimit, angazhimi i diasporës, si dhe zhvillimi i sistemeve në fushën e shëndetësisë dhe kujdesit për të moshuarit.

Kosova në këtë seminar po përfaqësohet nga Prof. Ass. Dr. Petrit Beqiri, Kryetar i Bordit të Ekosistemit Heimerer, si dhe MD. Spec. Naim Bardiqi, profesor në Kolegjin Heimerer. Në këtë seminar ata kanë folur për nevojat për kujdes dhe modelet e ofrimit të kujdesit në sektorin social dhe shëndetësor në Evropën Juglindore, me fokus të veçantë në kujdesin geriatrik dhe në Kosovë.