KONKURS I PUNËS

BPrAL Kolegji Heimerer për të plotësuar nevojat e Kolegjit Heimerer shpall konkurs për këto pozita:

Titulli i pozitës: Profesor full time për Programin Shkenca Dixhitale Shëndetësore (1)

1.     Roli

Kolegji Heimerer kërkon një Profesor full time, i cili do të ushtrojë edhe rolin e Koordinatorit të Programit në Shkenca Dixhitale Shëndetësore (MSc). Pozita është përgjegjëse për udhëheqjen akademike të programit, sigurimin e cilësisë së mësimdhënies, zhvillimin dhe zbatimin e kurrikulës dhe planprogrameve, si dhe koordinimin e proceseve akademike në përputhje me rregulloret institucionale dhe standardet e arsimit të lartë. Profesori/Koordinatori do të ketë rol kyç në zhvillimin strategjik të programit, në integrimin e komponentëve të shëndetit digjital në mësimdhënie dhe në forcimin e lidhjes ndërmjet mësimit, kërkimit shkencor dhe praktikës profesionale.

2.     Detyrat dhe përgjegjësitë kryesore

·        Ushtron rolin e Koordinatorit të Programit dhe mban përgjegjësi për realizimin akademik dhe funksionimin e rregullt të programit të studimit.

·        Planifikon, zhvillon dhe realizon mësimdhënie në fushën e ekspertizës përkatëse, në përputhje me planprogramin dhe standardet akademike.

·        Ofron konsultime akademike për studentët, sipas orarit të miratuar dhe nevojave akademike.

·        Merr pjesë aktive në mbledhjet dhe aktivitetet akademike të organizuara nga Dekanati dhe strukturat përkatëse të Kolegjit.

·        Kontribuon në zhvillimin, rishikimin dhe përditësimin e kurrikulës, duke reflektuar zhvillimet bashkëkohore në fushën e shëndetit digjital.

·        Angazhohet në proceset e akreditimit dhe riakreditimit të programit studimor, në bashkëpunim me organet akademike dhe administrative.

·        Kryen vlerësimin dhe notimin e studentëve në përputhje me rregulloret akademike dhe politikat institucionale.

·        Zbaton metoda bashkëkohore dhe interaktive të mësimdhënies, duke integruar teknologji digjitale dhe praktika inovative.

·        Raporton rregullisht për punën dhe aktivitetet akademike pranë Dekanit dhe strukturave përkatëse.

·        Realizon minimum dy (2) hulumtime shkencore gjatë vitit akademik, në përputhje me politikat kërkimore të institucionit.

·        Mentoron dhe mbikëqyr tema diplome në nivelin Bachelor (BSc) dhe Master (MSc).

·        Angazhohet në projekte akademike, kërkimore dhe zhvillimore, në përputhje me profilin dhe ekspertizën profesionale.

·        Përgatit, zhvillon dhe përditëson materialet mësimore bazë dhe plotësuese për modulin/modulet që ligjëron.

·        Kryen edhe detyra dhe përgjegjësi të tjera të përcaktuara nga mbikëqyrësi i drejtpërdrejtë, në përputhje me fushëveprimin e pozitës, rregulloret institucionale dhe nevojat akademike të Kolegjit.

3.        Kualifikimet e kërkuara

·        Diplomë Doktorature (PhD) në Shkenca Dixhitale Shëndetësore, Informatikë Shëndetësore, Shkenca Kompjuterike, Shkenca Shëndetësore ose fusha të afërta, ekuivalente me Nivelin 8 të KKK-së; nostrifikim nga MASHT nëse diploma është fituar jashtë Kosovës.

·        Përvojë e dëshmuar në mësimdhënie universitare prej së paku 3 vitesh akademike (6 semestra).

·        Të paktën 1 publikim shkencor në revista me impakt faktor >0, të indeksuara në Web of Science (WoS) ose Scopus, si autor i parë ose autor korrespondent.

·        Përvojë në mentorim dhe mbikëqyrje të temave të diplomës në nivel Bachelor dhe/ose Master.

·        Aftësi për integrimin e teknologjive digjitale në mësimdhënie dhe vlerësim akademik.

·        Njohuri dhe përvojë në metoda bashkëkohore të mësimdhënies dhe përdorimin e platformave digjitale për mësim dhe vlerësim.

·        Përvojë në zhvillim ose koordinim të programeve studimore (përparësi).

·        Njohuri shumë të mira të gjuhës angleze; njohja e gjuhës gjermane përbën përparësi.

·        Integritet profesional, aftësi organizative dhe gatishmëri për angazhim në zhvillim akademik, kërkim shkencor dhe procese akreditimi.

Vendi i punës: BPrAl Kolegji Heimerer, Rr. Kadri Zeka nr.80 dhe 82, 10000 Prishtinë, Republika e Kosovës

Orari: 40 orë në javë

Dorëzimi i dokumentacionit:

Të gjithë kandidatët e interesuar të cilët i plotësojnë kushtet e konkursit për të aplikuar duhet të dorëzojnë dokumentet si në vijim: CV, letër motivuese si dhe dëshmitë e shkollimit apo kualifikimeve përkatëse.

Dokumentet duhet të dorëzohen në formë elektronike në email adresën: hr@kolegji-heimerer.eu

Vetëm kandidatët e përzgjedhur do të ftohen në intervistë.

Konkursi mbetet i hapur nga data 04.02.2026 deri me 18.02.2026