Shkencat Shëndetësore për Profile Terapeutike

Studenti është i detyruar të ndjekë një praktikë prej 1050 orësh, të ndara në 5 praktika klinike:

1. Praktika Klinike 1 – 150H / 5 ECTS
2. Praktika Klinike 2 – 150H / 5 ECTS
3. Praktika Klinike 3 – 150H / 5 ECTS
4. Praktika Klinike 4 – 150H/ 5 ECTS
5. Praktika Klinike 5 – 450H / 15 ECTS

Praktika klinike për studentët e profilit të ergoterapisë ndahet në disa semestra, fillon nga semestri i dytë dhe përfshin deri në semestrin e gjashtë. Kjo praktikë ofron përvojë në shërbimet e shëndetit mendor dhe problemeve fizike në mjediset komunitare dhe institucionale.

Kohëzgjatja e praktikës rishikohet për të siguruar që ndërthurja me modulet e tjera të mësimit ndodhë me sukses.

Studentët mund të praktikojnë në një shumëllojshmëri institucionesh shëndetësore në Kosovë, duke përfshirë shërbimet në institucionet publike dhe private. Koha e praktikës ndryshon sipas nivelit të studentit, dhe ata duhet ta kalojnë çdo nivel të praktikës para se të vazhdojnë më tej. Nëse studenti nuk e kalon praktikën, mund të rifillojë në një mjedis të ngjashëm. Kontakti dhe mbështetja ndjekin studentët dhe mentorët gjatë gjithë kohës, dhe vlerësimi i praktikës siguron informacion për përmirësimin e përvojës së punësimit.

Procesi i monitorimit përfshin vizita të rregullta dhe ndërlidhje me tutorët e terapisë okupacionale për të siguruar cilësi të lartë. Praktika ofron një panoramë të fushave të profesionit të ergoterapisë dhe ndihmon studentët të zgjedhin karrierën e tyre të ardhshme. Mentorët klinik janë të pranishëm në shumë nivele të sistemit shëndetësor në Kosovë, duke ofruar një gamë të gjerë të përvojës së praktikës.

Studentët fillimisht praktikojnë në mjedise me persona me aftësi të kufizuara dhe në qendrat e autizmit, duke përjetuar praktikën në formën e vëzhgimit dhe më pas zhvilluar në shkolla fillore me fëmijët e klasave të bashkangjitur në institucione arsimore. Kjo praktikë i’u ofron studentëve një përvojë të vlefshme dhe lehtëson identifikimin e mundësive për punë të ardhshme.