Shkenca Mjekesore Laboratorike

120 KREDI ECTS
Programi ynë MSc në Shkencat Mjekësore Laboratorike ndihmon teknikët e kualifikuar të laboratorit për të avancuar njohuritë dhe aftësitë e tyre.

PROGRAMI
Kolegji Heimerer është i përkushtuar të ketë një ndikim shoqëror duke u fokusuar në përmirësimin e sistemit të kujdesit shëndetësor përmes edukimit të profesionistëve dhe menaxherëve kompetent shëndetësor. Kjo filozofi e kujdesit dhe e përgjegjësisë shoqërore ka motivuar krijimin e programit Teknik Laboratori (MSc).

Ky program i akredituar ndërkombëtarisht do të edukojë studentët e diplomuar në një standard të lartë evropian dhe në këtë mënyrë do të përmirësojë cilësinë e fuqisë punëtore të kujdesit shëndetësor në Kosovë. Ky është programi i vetëm i këtij lloji në vend dhe një nga të vetmit në të gjithë rajonin e Ballkanit. Kështu që, studentët që përfundojnë këtë program do ta gjejnë veten në një pozicion të lartë dhe të rëndësishëm në tregun e punës.

Studentët që zotërojnë në mënyrë të duhur bazat e shkencave laboratorike në fusha të tilla si: biokimi, hematologji, biologji molekulare, mikrobiologji dhe histologji do të kenë mundësinë që përmes këtij programi të shqyrtojnë koncepte të avancuara në këtë fushë. Programi do të përfshijë gjithashtu të arriturat më të avancuara të hulumtimit dhe do t'u japë studentëve një kuptim të zhvillimeve të reja në këtë fushë. Për të ndihmuar studentët të punojnë me përgjegjësi dhe pavarësi më të madhe, studentët do të trajnohen që të zhvillojnë idetë e tyre kërkimore dhe të realizojnë projektet e tyre, si dhe të mësojnë aftësitë kryesore të tilla si menaxhimi i laboratorit.